KALIBO, Aklan—Ginpaathag ni Aklan first district board member Nemesio Neron ro importansya it pag-angkon it Enhanced Defense Cooperation Agreement ukon EDCA sa tunga it gobyerno it Pilipinas ag Estados Unidos.
Suno kana, mabahoe ro kapuslanan it Pilipinas sa EDCA para sa pagpabaskog it Territorial Security and Protection it nasyon.
Ginpaathag dugang nga importante ro mga ginapatindog nga EDCA sites sa nasyon bangud sa pag-alalay it Estados Unidos nga mai-shift ro focus it Armed Forces of the Philippines halin sa internal security defense sa territorial security defense bangud sa mabuhay nga panyempo sa pagtapna sa insurgency sa nasyon.
Mag-eowas kara, mabahoe man suno kay Neron ro maibulig it EDCA sa capability skills it aton nga hukbo agud magamit ro mga nasambit nga mga kasayuran sa paaeabuton nga inadlaw.
Samtang, gin-ako ni Neron nga naduduea ro anang respeto sa opisyal it nasyon nga mas pang ginapaboran ro China partikular sa isyu sa West Philippine Sea.
Suno kana, ro importante sa makaron hay preparado ro tanan agud nga may ikasukoe sa mga paaeabuton nga inadlaw.
