KALIBO, Aklan — Pabor si Atty. Harry Sucgang, sangka political analyst sa Aklan sa panawagang magbalik it uman ro Pilipinas sa International Criminal Court (ICC).
Suno kana nga tuyo kara nga mapasabat ro mga poderoso nga tawo nga naga abuso sa gahum kontra sa mga pigado.
Makapamayad sigon sa nasyon nga may ibang hurisdiksyon nga bukon it bias kapareho it ICC .
Reyalidad suno kana sa nasyon nga owa it nabobo-oe nga hustisya ro mga pobre.
Madumduman nga ginasueong makaron it Makabayan Bloc ag Akbayan Partylist ro uman nga pagpasakop sa ICC agud nga pasabton ro mga opisyal nga naga-abuso, partikular sa mga biktima it extrajudicial killings (EJKs).
Nagdihon it resolusyon ro Makabayan Bloc nga naga engganyo kay Pangueong Ferdinand “Bongbong” Marcos Jr. para uman nga maging miyembro ro Pilipinas sa Rome Statute agud nga pabaskugon ro hustisya.
Gusto man nanda nga ipakita ro commitment it nasyon sa pag angkon it hustisya, dignidad it tawo, ag rule of law.
Nasayuran nga opisyal nga naghalin ro Pilipinas sa ICC ko March 17, 2019, sa idaeum it administrasyong Duterte.
