Kalibo Aklan—–Bangud sa pagnaba it haeos 50 porsiyento it tourist arrival sa Boracay bangud sa nagapadayun nga paeag it corona virus disease (COVID-19), ginatun-an makaron it lokal nga gobyerno it Malay nga ibalik ro LaBoracay nga ginadayo it linibo nga mga turista partikular ro mga local tourists para sa paka-aga nga party sa frontbeach .
Suno kay Malay Acting Mayor Frolibar Bautista nga tuyo kara nga maka-alalay ro lokal nga turista matapos nga bumagsak it husto ro numero it mga nagabisitang dumueuong nga turista eabi eon ro Chinese .
Nagakabaeaka pa sanda engkaso nga magpatuman ro gobyerno it travel ban sa South Korea matapos nga ginpasaka sa highest alert ro kaso it COVID-19 sa nasambit nga nasyon .
Wait and see sigon sanda sa magiging resulta it pueong it Inter-agency Task Force on Emerging Infectious Diseases kon iga-eakip sa travel ban ro South Korea.
Ro Laboracay hay ro weeklong celebration nga naga-umpisa Abril 26 hasta Mayo 1 ukon Labor Day Holiday sa nasyon .
Nasayuran nga ginbawae raya it Boracay Inter-Agency Rehabilitation Management Group ukon BIARMG bangud sa sangkaterbang basura nga gina-aywan it mga partygoers.
Apang , gin-insister ni mayor bautista nga hugut nga ginapatuman makaron sa isla ro mga regulasyon ag polisiya bangud nga indi eon nanda gusto nga mauman ro naexperiensiayahan nga an-um nga buean nga boracay closure ko nagtaliwan nga 2018.
