Pagbasoe sa kapas-eawan it Gilas Pilipinas, gin-aku it SBP

Nagpangayo it pasaylo ro Samahang Basketbol ng Pilipinas (SBP) ag gin-aku ro responsibilidad sa resulta it performance it Gilas Pilipinas sa kakatapos eamang nga 31st Southeast Asian Games sa Hanoi, Vietnam.

Aminado si SBP President Al Panlilio nga kaparte sanda it kapas-eawan it Philippine National Basketball team.

Halin sa ap-at nga bueawan nga medalya sa 2019 edition it SEA Games, sambilog eamang ro naidepensa it Gilas sa pamaagi it Women’s 5 on 5 team.

Raya man ro unang beses nga napas-eawan nga makabuoe it gold medal ro Pilipinas sa Men’s basketball it SEA Games halin 1989.