KALIBO, Aklan—Ginpaboran it Sangguniang Bayan (SB) sa banwa it Kalibo ro panawagan it mga market vendor sa Kalibo Public Market nga igabawae ro talipapa.
Maskin si Vice Mayor Cynthia Dela cruz hay nagpaabot sigon it anang suporta sa nasambitan nga proposisyon nga ginkontra man ni Mayor Emerson Lachica.
Samtang, ginpahayag ni Arnel Meren, Presidente it Kalibo Public Market nga makarun mabahoe ro andang kalugi-an bangud maabo ro ginpasugtan nga magbaligya maskin owa it nagakaigo nga papeles.
Posibleng owa eun ginapatuman ro price control bangud mansig panabaan it presyo.
Ginapahayag dugang nga may tyempong sa bilog nga sang adlaw hay owa sanda it bakae ukon kita.
Bangud kara, anang ginhangkat si Market Supervisor Abel Policarpio nga magbisita sa tindahan ag tan-awon ro sitwasyon it mga negosyante ag indi eamang magtinir sa anang opisina.
