NATIONAL News —- Owa sigon it magiging epekto sa kaso ni Senador Leila De Lima ro pagbawi it mga alegasyon kontra kana it self-confessed drug lord nga si Kerwin Espinosa.
Suno kay Prosecutor General Ben Malcontento, “self-preservation” ro pagbawi ni Espinosa it testimonya daea eamang sigon it “media impact” rason nga nahimo nana raya.
Nag-testigo eamang sigon si Espinosa kontra kay De Lima sa Senado kato ag bukon it sa husgado ukon Department of Justice (DOJ) rason nga dapat nga pabay-an ro korte nga magdesisyon sa mga kaso it senador.
Ginpamilit pa ni Malcontento nga mabaskog ro andang kaso kontra sa mamalidha.
Gin engganyo it prosecutor general si Kerwin nga pangaeanan kara kun sin-o ro nagpilit kana nga daeahigon si de Lima sa illegal drugs trade ko 2016.
Samtang, ginklaru ni Malcontento nga ginabuytan it DOJ ro prosecution apang “independent” ro andang imbestigasyon kontra sa senador nga sambilog sa mga hugut nga kritiko ni Pangueong Rodrigo Duterte.
