Ginsugo ni Pangueong Ferdinand Marcos Jr. sa Department of Information and Communications Technology (DICT) ag Commission on Elections nga magbilog it 24/7 threat monitoring center para masiguro ro malimpyo ag tapat nga elesyon sa Lunes, May 12,2025.
Raya ro kauna-unahang 24/7 Threat Monitoring Center nga may real time digital command post.
Suno kay Palace Press Officer USec. Claire Castro, tuyo it nasambit nga monitoring center nga itumod, punggan ag tapuson ro online misinformation and disinformation.
Raya hay pagapangunahan it Cybercrime Investigation and Coordinating Center it DICT ag it Task Force Katotohanan, Katapatan at Katarungan sa Halalan ukon roTask Force KKK.
Ginpunto ni Castro nga ro nasambit nga tikang hay pamatuod nga madasig maghueag ro gobyerno ag nagahili-usa ro gobyerno kun ro kamatuoran ro nakasalalay.
