Bangud sa nagapadayon nga pagpamentaha it mga traders sa mga hog raisers partikular ro pagbakae sa barato nga presyo it buhi nga baboy, nagtibyog ro mga raya nga makabilog it federasyon sa kada banwa.
Raya hay bilang long term solution sa ginapangatubang makaron nga problema it mga hog ag poultry raiser.
Suno kay Engr. Jun Agravante, chairman it livestock sector sa provincial agriculture fishery council nga nagkasugot ro mga raya nga magbilog it pederasyon nga magadumaea sa presyuhanay it pagpamakae it mga trader sa andang mga alaga nga sapat agud nga inde man sanda malugi.
Sa kamahae it bahog makaron hay ginabakae eamang ro andang alagang baboy sa presyo nga 130-135 pesos samtang ro karne kara hay uwa naganaba sa 250-270 pesos sa merkado publiko.
Masyadong unfair suno kana ro sitwasyon eabi eon kon sumueod pa ro mga ahente nga masyado sandang ginabarat sa presyo.
May kaangtanan kara, plano pa sigon it ginabilog nga federasyon nga makaangkon it meat shop sa kada banwa; kilohan it baboy ag bodega it feeds.
Sa makaron suno kana hay raya ro nakikita nandang solusyon para maibalik ro kapital it mga raiser kamana man para maungkat eon ro pagpamentaha it mga traders partikular ro mga middle man.
