Ginatun-an sa makaron it gobyerno ro pagbilog it subsidy fund para sa mga benepisyaryo it housing program it gobyerno.
Suno kay Pangueong Ferdinand Marcos Jr., sayod nanang maabong housing benefeciaries ro indi makabayad it andang bueanang amortization.
Rason nga plano makaron it Pangueo kaibahan si Housing Secretary Jose Acuzar nga magtugyan it inisyal nga P1 billion para sa subsidy fund nga igatao sa mga tenant.
Ginhimu it Pangueo ro nasambit nga pahayag kadungan it groundbreaking ceremony para sa ikaywang Pambansang Pabahay para sa Pilipino Housing (4PH) project sa Quezon City.
Ginapasiguro man it Pangueo sa Kongreso nga makaangkon it bastante nga pondo para maipatuman ro nasambit nga plano.
Una eon nga ginpahayag it Marcos administration ro planong pagtukod it barato nga milyong residential units kada dag-on para masabat ro housing backlog sa nasyon nga may kapin sa kueang pang sa 6.5 million units nga target makumpleto antes matapos ro termino it presenteng administrasyon.
