KALIBO, Aklan—Nakataeana nga i-ban it Department of Tourism (DoT) ro pagbisita it mga international cruise ship sa isla it Boracay kada peak season kaparehas it Holy Week, summer, All Saints’ Day, All Souls’ Day, ag Christmas.
Raya hay suno kay DoT regional director Helen Catalbas agud nga masigurong inde maeabag ro carrying capacity nga 6,405 tourists eamang ro pwedeng makasueod sa isla kada adlaw.
Ro Cruise ships nga nagadungka sa isla suno kana hay may sakay nga nagaabot sa 1,500 hasta it 4,500 passengers and crew.
Sa pihak nga uwa ro mga raya nagatinir it mabuhay ag uwa man nagakinahang-ean it mga hotels and resorts accommodation, apang ginataw-an sanda it pitong oras para makalibot sa ginapabugae nga white-sand beach, souvenir shops, restaurants ag maabong pang iba.
Nasayuran nga halin kat ginbuksan it uman sa publiko ro Boracay hay daywang ka mga cruise liner eon ro nakadungka sa isla nga ginpangunahan it MV Star Legend ko Pebrero 27 sakay ro kapin sa 200 nga turista ag 164 nga crew ag ro ulihi hay ko Marso 4 ro Seven Seas Navigator sakay ro 400 passengers and 270 crew.
