Ginsug-aeaw it mga nagawagayway nga national flag it China ag mga pueang banner it pagselebrar ro nakaplastar sa printe it dungkaan ni Chinese leader Xi Jinping.
Dueungan man nga nagkaeanta sa sueod it high-speed rail terminus it Hong Kong ro mga nakamaskara nga opisyal ag mga pamatan-on sa sueood it eskwelahan.
Sa anang una nga pagbiyahe sa guwa it mainland China matapos nga mag-umpisa ro pagpanaeasa it pandemya, nag-abot si Xi sa Hong Kong ku nagtaliwan nga Huwebes para markahan ro ika-25 anibersaryo it pagbalik kara sa pagdumaea it China kahapon Hulyo 1.
Ro dating British colony hay sa tunga eon it 50-year promise it “sangka high degree of autonomy,” nga gintao it Beijing sa idaeom it sangka framework nga kilaea bilang “isang bansa, dalawang sistema.”
Nagpanumpa man raya sa bag-ong gin-ilehir nga lider, ro hardline nga dating pulis nga si John Lee.
Ro gobyerno it Hong Kong hay uman nga ginpamalibaran nga ro laye it pambansang seguridad hay ginapunggan ro mga kahilwayan.
Apang gin-insister man kara nga natapos eon ro laye nga kung siin ro kasangag ag nabalik eon ro kapag-on it lugar.
Samtang, nagakabaeaka man ro mga kritiko nga ro Hong Kong hay mas eubosan nga binag-o sa imahe it China.
