Naging mapig-od eamang nga oras ro pagbisita ni Pangueong Ferdinand Bongbong Marcos Jr. sa mga Pinoy sa ginpatigayon nga meet and greet kara sa Zurich, Switzerland.
Raya ro ginpahayag ni Bombo International Correspondent Marissa Jason Gabriel it Switzerland.
Suno kana naging emosyonal ro Pangueo sa pagpaabot it anang pagpasaeamat sa mga pinoy nga padayon nga nagasakripisyo it pagtrabaho sa iba nga nasyon.
Gintaw-an sigon kara it punto ro kahaegahan it mga remittances nga ginapadaea it mga pinoy nga kung siin mabahoe sigon ro ginatao nga bulig eabi eon gid kung sa peligrosong sitwasyon ro ekoninomiya it nasyon.
Samtang, ginpahayag dugang pa kara nga owa sanda nakapaabot it andang mga problema ag pangutana sa Pangueo bangud pagkatapos nga ipaabot kara ro anang mensahe hay gilayon man rayang nagpanaw.
Samtang, nasayuran nga kapin sa masobra 1000 nga mga pinoy ro nag-atendir sa ginpatigayon nga meet and greet sa nasambit nga nasyon.
Sa pihak nga parte, ginkumpirma it Pangueo nga may tatlong ka mga nasyon eon ro nakataeana nga maga-invest sa Pilipinas ag naging madinaeag-on kara ro naging pag-atendir sa World Economic Forum.
