Hasta eon lang sa Hunyo 30 ro pagbiyahe it mga tradisyunal nga jeepney ag iga-phase out eon raya sa mga nagapangunang karsada.
Raya hay kasunod it ginduso nga modernization jeepney it gobyerno.
Suno kay Rodrigo Almojin Jr., chairman it Multicab Banga-Kalibo Jeepney Transport Service Cooperative nga ro dating indibidwal franchise hay magiging sambilog eon lang.
Ro dating operator hay driver eon makaron ag pagaswelduhan it kooperatiba ukon magiging regular employee eon sanda.
Ginapahayag dugang nga ro bag-ong unit it behikulo hay nagabalor it 2.4 milyon pesos ro pinakamanaba kon sa siin anda raya nga pagabayaran halin sa andang kita sa kada adlaw nga andang pagbyahe.
Ro 73 units nga may-una sa andang asosasyon hay puro consolidated eon sa idaeom it gintukod nga kooperatiba kon sa siin posibleng alternate man ro andang pagbyahe.
Nauna eon nga ginpahayag it Land Transportation Franchising Regulatory Board ukon LTFB nga makapilang beses eon nanda nga gintaw-an it kahigayunan ro mga operators nga magbilog it andang kooperatiba bilang kaparte sa pagduso it gobyerno it modernized jeepneys.
Gintaw-an it LTFRB it hasta ko buean it Disyembre ro mga operators it traditional jeepneys nga matapos ro andang pakikipag-membership sa mga kooperatiba.
