KALIBO, Aklan–Agud nga maging consistent ag manami ro relasyon, dapat nagabueoligan ag nagapakita it suporta ro mag-couple ukon mag-asawa sa tanan nga kahigayunan.
Suno kay Bombo International Correspondent Greg Aguilar it California, USA nga bukon it madali ro kabuhi nga may asawa apang nakadepende eon sa magpartner kung paano nanda i-workout ro andang relasyon.
Si Bombo Greg nga tumandok it Aklan hay 39-anyos eon nga kasae sa anang misis.
Idtu sigon sanda unang nagkita ag nagkakilaea sa Amerika.
Suno kana, owa gid nagbag-o ro anang pagpalangga sa anang asawa halin kat una nana raya nga makilaea.
Makaron nga adlaw it mga tagipusuon, plano sigon nanda nga magselebrar sa sangka manami nga seafood restaurant para magkaon, mag-inom it champagne ag magtan-aw it sunset.
Kaeabanan sigon sa mga couple sa Amerika hay masami nga nagapatigayun it romantic date sa mga fine dining restaurant kada Valentine’s Day ag nagataeaw-an it regalo.
