KALIBO, Aklan—Mabahoe nga bagay ro pagbueuligan halin sa barangay paagto sa mga natungdan nga ahensiya it gobyerno rason nga naging madali ag maayos ro pagtatap sa mga nag-evacuate bangud sa bagyong Odette sa banwa it Kalibo.
Suno kay Terrence Toriano, head it Municipal Disaster Risk Reduction and Management Council ukon MDRRMC-Kalibo nga masobra sa 28 nga pamilya ro nag evacuate sa gintaeana nga evacuation it Kalibo nga nahamtang sa third floor it bag-ong building it munisipyo it Kalibo.
Ginpahayag dugang nga ginahueat pa nanda ro ibang reports angot sa damage assessment partikular sa agrikultura apang sa imprastraktura hay owa sanda it masyadong nailista.
Samtang, ginmandu sigon nanda ro pre-emptive evacuation eabi eon sa mga naga-istar sa coastal areas matapos nga maeakip ro aklan sa storm surge warning apang raya hay ginbawi kahapon it hapon matapos nga naghina ro bagyo.
Pila suno kana sa mga residente hay boluntaryo man nga nag bakwit bangud sa pagkabaeaka nga indi makasarang ro andang baeay sa mabaskog nga hangin nga eubus nga nabatyagan bandang ala 1 kaina it agahon.
Sa makaron hay padayun sigon ro andang monitoring sa lebel it tubi sa Aklan river eabi eon sa Madalag ag Libacao.
