KALIBO, Aklan–Ginaeauman eon it Malay Tourism Office ro pagbuhos it maabu nga mga turista sa Isla it Boracay agud nga dumdumon ro Semana Santa ag kalitan ro long weekend sa masunod nga domingo.
Suno kay Malay Tourism Officer Felix Delos Santos nga haeos fully booked eon ro mga hotels and resorts sa isla.
Umpisa suno kana it Abril 1 hasta 5, nakalista sanda it 26,259 nga tourist arrivals, kun sa siin ginaeauman nga mas pang magataas sa masunod nga mga inadlaw.
May average sigon nga 80 hasta 100 nga foreign tourists kada adlaw ro andang nai-record samtang ro domestic tourists hay 4,000 hasta 6,000.
Kaabuan kara hay halin sa Western Countries.
Sangkiri pa sigon ro halin sa mga asian countries bangud sa mga ginapatuman nga travel restrictions.
Gindugang pa ni Delos Santos nga natalakay nanda sa andang pueong kaibahan ro mga law enforcement agencies ag LGU-Malay ro pagpabaskog pa sa seguridad halin sa caticlan jetty port hasta sa isla.
Kadungan kara ro padayun nga pagpadumdum sa mga turista nga magsunod sa health protocols kabulig ro mga safety officers it nagkaeain-eain nga mga tourism establishments ag iba pang natungdan nga ahensiya it gobyerno.
