KALIBO, Aklan —Ginaeauman it sangka caregiver nga kapin pang magataas ro mga overseas Filipino workers (OFW) sa Israel bangud sa ginsueod nga kasugtanan it Pilipinas nga mapanaba ro placement fees para sa mga gustong magtrabaho sa nasambitang nasyon.
Sa exclusive interview it Bombo Radyo, ginpahayag ni Ebeb Tendan, residente it Libertad, Antique ag haeos siyam nga dag-on eon nga caregiver sa Haifa, inde eon kinahang-ean nga mag-utang it mabahoe ro mga Pinoy nga gustong magtrabaho sa Israel.
Mabuhay eon sigon nga problema ro mataas nga placement fee it mga aplikanteng caregiver, kon siin naga-abot sa haeeos $8,000 ro kinahang-ean nga bayaran.
Apisar sigon nga mabahoe ro andang ginasweldo kumpara sa ibang nasyon sa Middle East, apang pagaabuton pa it masobra sang dag-on antes sanda makabawi.
Sa makaron hay gusto nanda nga masayuran ro detalye it napagkasugtanan.
