KALIBO, Aklan–Pabor si Malay Sangguniang Bayan member Dante Pagsugiron sa pagbukas it isla it Boracay sa mas maabo nga turista sa Oktobre 1.
Suno kana, mabahoe ro maibulig kara sa mga pumueoyo eabi pa ag nagapangatubang ro nasyon sa pandemya.
Nagapati man imaw nga raya ro magiging daean agud nga uman nga mabuhi ro ekonomiya sa isla ag bilog nga probinsya it Aklan.
Engkaso nga magbukas eon ro Boracay sa mga turista maghalin sa General Community Quarantine ag Modified GCQ areas kamana man foreign tourist hay mataw-an man it kahigayunan ro mga negosyante nga magpadayun sa andang operasyon.
Gin-insister man kara nga klaro ro tanan nga guidelines para sa kaeuwasan it mga bisita.
Buot hambaeon sigon kara hay preparado ro lokal nga gobyerno it Malay, Provincial Government ag iba pang ahensya it gobyerno.
Nagpanugyan man raya sa publiko nga padayun nga sundon ro minimum health protocols agud nga malimitahan ro pagkalhit it virus.
Kaangot kara, obligado ro mga turista nga magsunod sa “test before travel” nga regulasyon, kun sa siin kinahangean sanda nga magpakita it negatibong resulta it Reverse Transcription Polymerase Chain Reaction (RT-PCR) 48 hasta 72 oras antes ro pagbiyahe sa isla.
