KALIBO, Aklan—Mabahoe nga bulig sa turismo ro uman nga pagbukas sa isla it Boracay sa mga turista nga naghalin sa iba pa nga parte it nasyon.
Suno kay Ibajay mayor ag League of the Municipalities of the Philippines ukon LMP-Aklan chapter president Jo-en Miraflores nga maabu kara ro mabuligan eabi eon ro mga trabahador nga naduea-an it trabaho ag mga negosyo nga nalugi tuga it pandemya.
Maskin sigon nga amat-amat eamang ro pagbukas it turismo, apang ginaeauman nga makabawi eon kara ro ekonomiya it probinsiya.
Hugut suno kana nga ginapatuman it mga hotels ag resorts kamana man it mga restaurants ro health ag safety guidelines sa pagbaton it mga bisita kamana man ro mga requirements antes nga makasueod sa isla.
Ro mga bisita hay gintaw-an man it hasta sa 75 porsiyento nga discount sa mga room rates agud nga maka engganyo pa it mga bisita.
Sa pihak nga parte, ginkalipay man it opisyal nga natapna eagi sa mas temprano ro local transmission ag owa eon nag-grabe pa kumpara sa ibang mga lugar.
