Haum ro Department of Trade and Industry (DTI) nga amligan ro mga Micro, Small, and Medium Enterprises ukon MSMEs sa nasyon.
Raya ro ginpahayag ni Trade Undersecretary Dominic Tolentino matapos magbisita sa Muntinlupa City kadungan it paglunsar makaron nga adlaw it ‘Kadiwa ng Pasko’.
Pagpasiguro ni Tolentino, may una eon nga joint venture ro DTI, Airport ag mga Malls para makabaligya it libre ro mga MSMEs.
Ro “Kadiwa ng Pasko” hay programa it Office of the President kung siin pwede nga magbakae it nagkaeain-eain nga produkto kaibahan ro DTI, Department of Agriculture, Department of Social Welfare and Development, Department of Labor and Employment, lokal nga gobyerno ag MSMEs.
Makaangkon ro Kadiwa ng Pasko it 30 exhibitors nga magabulig sa mga mangunguma sa pamaagi it pagbaligya it produkto it mga raya kapareho it tinuea, prutas, isda, itlog, bugas ag iba pa.
