KALIBO, Aklan—May dugang nga requirement sa pagbuoe it bag-ong driver’s license ag ro mga kooperatiba nga magabuoe it prangkisa it mga public utility vehicles sa Land Transportation Franchising and Regulatory Board (LTFRB).
Sa situation briefing, ginpresenta ni Transportation Secretary Arthur Tugade kay Pangueong Rodrigo Duterte nga raya hay para maiduso ro reforestation sa nasyon.
Suno kay Tugade, bangud sa mga kalbong kabukiran rason nga ginabaha ro nagkaeain-eain nga bahin it nasyon kapareho it Cagayan Valley.
Ginpahayag dugang nga magatanum anay ro mga kooperatiba it 500 puno samtang ro mga magabuoe it bag-ong driver’s license hay kinahang-ean magtanum it 10 puno.
Makikipag-angot suno kana ro DOTr sa DENR para sa pag-usoy it mga lugar nga kinahang-ean tamnan it mga puno.
