Ginpamalibaran ni Aklan second district representative Teodorico Haresco nga engkasong madayon ro ginaduso nga House Bill 7032 ukon West Aklan Special Economic Zone Authority (WASEZA) hay magabutang it casino sa isla it Boracay.
Suno kana, kapurilan ro nagahambae it makarundaya nga butang bangud nga ro Philippine Amusement and Gaming Corporation ukon PAGCOR eamang sigon ro ahensya nga pwedeng magta-o it lisensya sa mga nagatukod it casino ag bukon it ro WASEZA.
Gin-insister pa it opisyal nga trabaho, pangabuhian ag pagpasanyog sa ekonomiya it probinsya ro nagapangunang katuyuan it anang hagna rason nga nagakangawa imaw kon ham-an it may mga nagakontra pa kara.
Nasayuran nga ro WASEZA hay una pa eamang sa committee level it kongreso ag nagaeaum si Haresco nga maaprubahan raya it mga kaparehong kongresista.
Sakop it WASEZA ro banwa it Tangalan, Ibajay ag Malay kamana man isla it Boracay.
