Bilang pagrespeto sa mga Kristyano, may mga Muslim people sa nasyon it Kuwait nga nagabutang it christmas decoration sa andang panimaeay.
Apang, suno kay Bombo International Correspondent Sarah Jane Saclet hay bihira eamang ro naga-obra kara bangud nga uwa sanda nagaselebrar it paskwa.
Paeanta man ro makit-an nga christmas decoration sa mga malls ag shops.
Sanda nga mga Pilipino eamang sigon ro nagaselebrar it paskwa kon siin ginapasugtan man sanda nga magpatigayon it christmas party ag mag-atendir it simbang gabi.
Sa pihak suno kana it pagiging muslim country hay maskin papaano mabatyagan man ro espiritu it paskwa apang maeayo nga mayad sa nakaangdan nga okasyon sa Pilipinas.
Mapun-an eamang ro pagpangulila sa pamilya pinaagi man sa social media communication.
Kon anu suno kana ro handa sa Pilipinas hay duyon man ro andang ginapreparar para saeohan it mga overseas Filipino workers sa nasambit nga nasyon
