Ginaduso makaron ni Kalibo sangguniang bayan member Agosto Tolentino ro sangka resolusyon kon sa siin ginamanduan kara ro mga establisyimento, baraka, restaurants ag iba pang negosyo nga magbutang it easy to view numbers directory.
Tuyo kara nga makit-an insigida it publiko ro mga numero nga pwedeng matawagan sa oras it emerhensiya.
Suno kana, kinahang-ean nga visible ro numero it kapulisan para matawagan eagi sa oras it respondehan; ana it bureau of fire protection ukon BFP engkaso nga may sunog; municipal disaster risk reduction management office ukon MDRRMO sa oras it kinahang-ean it medical attention ag iba pa.
Sa raya nga pamaagi sigon hay maproteksyunan ro kada isaea ag para eon man sa andang kaeowasan.
Madumduman nga sa banwa it New Washington hay mabuhay pang narespondehan it mga kapulisan ro kinagamo nga nagpatunga sa daywang ka grupo it mga kaeaeakin-an nga nagresulta sa pagkabuno sa ueo it eaeaki nga imbolbado sa sangka rambol
