Nagapati si Sangguniang Bayan member Augusto Tolentino nga tyempo eon para butangan it elevator ro bag-ong tukod nga Kalibo Municipal Hall.
Sa kamatuoran suno kana hay naghimo imaw it sangka resolution ag nagaeaum nga pagasuportahan raya it mga miyembro it konseho kamana man nga taw-an it igtueopangod ni Mayor Juris Bautista-Sucro.
Suno sa opisyal, mabahoe nga ginhiwa para sa mga empleyado, senior citizen ag Person with Disability (PWD) ro pag-angkon it elevator it edipisyo agud nga indi sanda mabudlay sa pagsaka kung may kinahang-eanon ukon pueong nga ginapatigayun sa ibabaw.
Dugang pa kara nga sakop ro proyekto sa P300 million nga pondo sa konstruksyon it nasambit nga edipisyo.
Ginpunto pa kara nga ginakabig ro Kalibo bilang sangka first class municipality rason nga nagakadapat eamang nga ayuson ro mga edipisyo ag pabaskugon ro pagtao it serbisyo sa publiko.
