Nagpanawagan ro Highway Patrol Group ukon HPG Aklan sa mga contractors ag sub-contractors it mga nagapangunang karsadahon sa probinsya it Aklan nga butangan it nagakaigong warning devices ag signages ro mga under construction nga daeanon.
Suno kay Police Chief Master Sargent Edmund Apelado, team leader it HPG Aklan nga raya sigon ro nagapangunang rason it mga disgrasya sa daeanon base man sa andang monitoring.
Mag-eowas kara, ro ibang motorista hay nagamaneho it behikulo nga una sa idaeom it impluwensya it aeak.
Kinahang-ean suno kana nga magdahan gid ro tanan bangud nga waea-tuo ro pagpaeapad it mga karsadahon ag mataeopangdan ro kakueangan sa mga abiso partikular sa mga madueom nga parte it lugar.
Samtang, ginpadumdom man nana ro mga motorista nga sa kada pagguwa it panimaeay kon nagasakay it motorsiklo hay ugalion nga magsuksok it helmet bangud nga mabahoe raya nga proteksyon sa ueo engkaso nga maaksidente
