Ginpaathag ni Engr. Joey Ureta, maintenance head it Department of Public Works and Highways ukon DPWH Aklan nga obligasyon it contractor ro pagbutang it warning devices ag informative signages sa tanan nga road under construction para sa kaeowasan it mga motorista ag travelling public.
Raya hay may kaangtanan sa pilang reklamo angot sa aksidente nga naga-eontad sa under construction nga mga karsadahon kon siin ro iba hay nagatuga sa hinali nga kamatayon it mga naging biktima.
Sa pihak kara, ginklaro dugang ni Engr. Ureta nga nasamaran it gamit ag naubusan it supply nga aspalto ro International Builders Construction ukon IBC nga sanda ro contractor sa pagpatigayon it asphalt overlay sa mga karsadahon nga sakop it Brgy. Libas, Tabayon ag Venturanza, Banga.
Sa oras suno kana nga umabot ro andang gamit hay gilayon nga maresume ro andang trabaho bangud nga bukon it eksakto ro surface sa pag-aspalto nga ginatunaan it aksidente it pilang ka mga motorista.
Uwa man suno kana sanda nagakueang sa pagpadumdom sa contractor nga ayuson ro andang trabaho ag magbutang it nagakaigong abiso nga makit-an it mga motorista maskin sa gabie para malikawan ro disgrasya.
