Kinumpirma it PAGCOR nga ginaberipika eon nanda ro impormasyon angot sa ginasugid nga dating hepe it Pambansang Pulisya nga nagbulig kay dismissed Bamban, Tarlac Mayor Alice Guo sa pag guwa sa nasyon.
Sa pihak raya it pagpasaka it hold departure order kuntra sa dating alkalde. Ginhimo ni PAGCOR official Raul Villanueva ro mismong kumpirmasyon sa ginhimo nga hearing kahapon sa ilegal nga operasyon it POGO sa nasyon.
Raya sigon ro naging sentro it pangutana ni Senator Risa Hontiveros sa opisyal it PAGCOR. Ginpangutana it senadora kung may posibilidad nga may una nga government officials nga nag bulig kay Alice Guo ag sa angan mga kaibahan kara nga tumakas it nasyon sa mabahoe nga balor.
Ginsambit man ni Villanueva nga pilang high-ranking immigration official sigon ro posible man nga kaibahan base sa nabuoe it anda nga intel.
