Ginapa-eksplikar it Senate Committee on Public Order and Dangerous Drugs ro Philippine Amusement and Gaming Corporation (PAGCOR) kung ham-an may operasyon it ‘E-sabong’ maskin nga Semana Santa.
Sa pagpamati it kumite kahapon, gin-insister ni Senator Francis Tolentino nga dapat hay ginrespito it PAGCOR ro tradisyon it mga Kristisyano eabi eon ko Biyernes Santo.
Suno kay Tolentino, raya hay Gross violation ukon grabe nga pag-eabag sa pagpati it mga Kristiyano.
Maskin suno kana ro mga Casino nga ginapadaeagan it PAGCOR hay sarado ko Biyernes Santo bilang respeto apang natueopangdan nga nagapadayun gihapon ro operasyon it Online talpak.
Ginsegundahan man raya it chairman it kumite nga si Senator Ronald “Bato” Dela Rosa ag ginpahayag nga nasubuan imaw kat masayuran ro isyu.
Gintaw-an it punto ni Dela Rosa nga maskin ro mga politiko hay temporaryong nagpundo sa pagkampanya bilang respeto sa Semana Santa rason nga dapat mabatian ro pag-eksplikar it PAGCOR sa issue.
