KALIBO, Aklan–Ginpasiguro it Malay Tourism Office (MTO) nga owa it dapat nga ikabaeaka ro mga turista nga nagapaligos sa baybayon it isla it Boracay kasunod it pagdagsa it mga maisot nga jelly fish.
Suno kay Malay Tourism Officer Felix Delos Santos, makabig nga normal phenomenon ro pagdagsa it mga jelly fish eabi eon kung tyempo it habagat.
Base sa andang obserbasyon bilang mga tumandok it Boracay, nagabuhay eamang it daywa hasta tatlong adlaw ro pagtinir it mga jelly fish depende sa current it tubi.
Agud nga maduea ro pagkabaeaka it mga bakasyunista, naghimo sigon sanda it intervension partikular ro pagbutang it red flag sa pilang area nga may presensya it mga jelly fish.
Raya sigon ro magaserbing paandam nga indi pwedeng paligsan ro nasambit nga baybayon kung siin kabulig nanda sa pagbantay ag pagpadumdom ro mga nakakalhit nga beach guard.
