KALIBO, Aklan–Ginaeauman eon it lokal nga gobyerno it Malay ro pagdagsa it mga lokal ag dumueuong nga turista sa Isla it Boracay sa maabot nga adlaw it mga tagipusuon.
Suno kay Felix delos Santos it Malay Municipal Tourism Office, haeos punuan ro mga hotels ag resorts kada Valentines Day sa isla bangud nga ginakabig raya nga romantic place it mga magkarelasyon ag magpamilya.
Dugang pa ni delos Santos nga mag-eowas sa mga Korean tourists, ginaeauman man ro uman nga pagbalik it mga turistang Chinese makaron nga Pebrero ag Marso
Mag-eowas kara ro uman nga pagdungka it international cruise ship sa Boracay sa maabot nga Pebrero 14.
Ginatantiya suno kana nga pito hasta 10 nga cruise ship ro maga-abot sa isla makaron nga 2023.
Sa pihak nga parte, eubus nga ginkalipay it nasambit nga taeatapan ro pagtaas it tourist arrivals ko Enero it makaron nga dag-on nga umabot sa 177,860.
Sa nasambit nga numero, 130,715 ro local tourists samtang 37,939 ro mga dumueuong.
