KALIBO, Aklan–Gina-ekspektar eon it sangka football coach ro resulta it hampang sa tunga it Ecuador ag Qatar sa opening it FIFA World Cup 2022 kahapon, Nobyembre 20.
Suno kay Kyle Justin Marcelino, sangka football coach nga mas mabaskog ro koponan it Ecuador bangud sa kalidad it mga players kara sa pagpanguna ni Enner Valencia kamana man nga ro iba hay nagahampang sa Europe league.
Sa unang tatlong minuto pa eamang it hampang hay nakapuntos eon si Valencia kung siin makit-an gid ro pagiging agresibo it koponan apisar it homecourt ag crown advantage it Qatar.
Madumduman nga naka-score it 2-0 ro Ecuador kontra sa Qatar sa unang hampang sa group A.
Samtang, nakataeana man nga mag-engkwentro pasado alas-9:00 hindunang gabi-i ro England vs Iran samtang hindunang alas-12:00 it aga-aga hay ro Senegal ag Netherlands nga pagasundan it USA vs Wales pag-abot it alas-3:00 it aga-aga.
