Nag-abot eon sa 6.4% ro nailistang inflation rate sa nasyon ko nagtaliwan nga buean.
Base sa record it Philippine Statistics Authority (PSA), mas mataas raya kumpara sa 6.1% nga nailista ko Hunyo.
Raya man ro pinakamataas nga lebel it inflation rate nga napabalita sa nasyon sa sueod it haeos tatlong dag-on.
Suno kay PSA chief ag national statistician Claire Dennis Mapa, sambilog sa mga nagapangunang rason it pagtaas it inflation rate hay ro padayun nga paghueag it presyo it mga pagkaon ag non-alcoholic beverages.
Madumduman nga nag-abot eon sa 4.7% ro average inflation rate sa nasyon umpisa Enero hasta Hulyo it makaron nga dag-on.
Sa pihak nga parte, ginpahayag it Malacañang nga ginaeauman eon nanda ro pagtaas it inflation rate sa nasyon.
Suno kay Press Scretary Trixie Cruz-Angeles nga mabahoe ro naging epekto sa nasyon it giyera sa tunga it Russia ag Ukraine kamana man sa nagapadayun nga COVID-19 pandemic.
Nauna eon nga ginpahayag ni Pangueong Ferdinand Bongbong Marcos Jr., sa anang State of the Nations Adress nga indi malikawan ro pagdasig it inflation bangud sa mataas nga presyo it langis ag nagapangunang baeak-eon.
