Posibleng sa maabot nga Pebrero 4 hay maideklara eon it Department of Agriculture (DA) ro food security emergency for rice.
Ginpahayag ni Agriculture Secretary Francisco Tiu Laurel Jr, nga nabaton eon nanda ro resolution it National Price Coordinating Council nga nagarekomenda it emergency declaration.
Pagatun-an anay nanda it mayad ro resolution antes ro pagdeklara it food security emergency for rice.
Manami nga daea kara hay para mabuhinan ro sueod it mga bodega it National Food Authority (NFA) ag mas maabong mabakae sa mga lokal nga mangunguma.
Sa pagpaguwa it 300,000 metric tons it bugas sa merkado sa sueod it an-om nga buean hay makabulig raya sa sangkiri nga pagnaba sa presyo it bugas.
Kon maipatuman ro deklarasyon, ro mga buffer stocks it NFA hay igabaligya sa mga ahensiya it gobyerno ag local government unit it P36 pesos kada kilo ag ro mga bumaeakae hay makabakae it tig-P38 kada kilo.
Otorisado sigon ro DA nga magdeklara it food security emergency on rice base sa nakabaehag sa Rice Tariffication Law kon nakaangkon it kakueangan it suplay ukon gulping pagtaas it presyo it bugas.
