National News———–Nagpanawagan si Senator Leila de Lima sa anang mga kaparehong Senador nga magdihon it proposisyon nga magadeklara sa Hulyo 11 it dag-on bilang ‘West Philippine Sea Victory Day.’.
Ginpahayayg ni de Lima nga Hulyo 19 pa ko 2019 kat anang gindihon ro Senate Bill No. 376 ag nagatuyon kada dag-on hay igaselebrar sa nasyon ro pagkadaog it Pilipinas kontra sa China sa Permanent Court of Arbitration (PCA) sa The Hague, Netherlands ko 2016.
Ginreklamo ko 2013 it administrasyong Noynoy Aquino sa PCA ro pagpanakop it China sa teritoryo ng Pilipinas sa South China Sea ag ginpakigbato ro kinamatarong it nasyon sa gina-agwan nga rehiyon.
Ko Abril nagdihon man si de Lima it Senate Resolution No. 708 nga nagahingyo sa Malakanyang nga ipakigbato ro integridad it Pilipinas kontra sa China.
Kaibahan man imaw sa 11 senador nga nagsuporta sa Senate Resolution No. 708 nga nagkondena sa mga illegal nga aktibidad it China sa West Philippine Sea.
