KALIBO, Aklan—Naging matawhay ag maayos ro pagdihon it Certificate of Candidacy ukon COC sa probinsiya it Aklan.
Suno kay Atty. Roberto Salazar, Provincial supervisor it Commission on Elections ukon Comelec-Aklan nga owa man sanda it nailistang anumang kinagamo kadungan it COC filing sa bilog nga probinsiya.
Pagkatapos kara, paga-umpisahan eon it komisyon ro pagsaea sa mga kwalipikadong kandidato para sa 2022 election agud nga makapaguwa it final list.
Samtang, hasta eon lang sa Nobyembre 15 ro pagbaylo it andang kandidato.
Indi eon pagapasugtan ro substitution tuga it withdrawal hasta sa gintaeana nga deadline.
Sa pihak nga parte, pagkatapos it filing it COC, uman nga paga-umpisahan ro ginpaeawig nga voter’s registration sa Oktubre 11 hasta 30.
Pagahiwaton sigon raya Lunes hasta Biyernes ag owa eon it sabado mag-eowas sa last day sa Oktubre 30 umpisa alas-8 hasta alas 5 it hapon.
Ginpahayag ni Atty. Salazar nga naabot eon man sigon nanda ro andang target nga numero it mga magapa-rehistro sa Aklan.
