Pirmado eon ni Pangueong Rodrigo Duterte bilang sangka laye ro pagtaas it mandatory retirement age it mga opisyal it militar it asta 60-anyos.
Nakabaehag sa RA No. 11709 nga ro mga miyembro it Armed Forces of the Philippines nga may rangkong Second Lieutenant/Ensign (O-1) to Colonel/Capitan (O-6) hay mandatoryong maga-retire sa edad nga 56 ukon naka-accumulate raya it kapin sa 30 dag-on nga satisfactory active duty.
Samtang ro mga may gradong Brigadier General/Commodore (O-7) asta sa Lieutenant General/Vice Admiral (O-9) hay kinahangean nga magretiro sa edad nga 59-anyos ukon maximum tenure-in-grade it tatlong dag-on.
Ro mga opisyal nga nakomisyon sa idaeom it Presidential Decree No. 1908 sa Corps of Professors hay kinahangean nga magretiro sa edad nga 60-anyos ukon matapos ro 20 dag-ong pagpanerbisyo.
Samtang, ro mga may importante nga posisyon sa militar hay kinahangean nga magretiro sa oras nga makumpleto kara ro fixed tour of duty nga tatlong dag-on apisar it andang edad kaibahan kara ro chief of staff, vice chief of staff, deputy chief of staff, commanding general of the Philippine Army, commanding general of Philippine Air Force, flag officer of Philippine Navy, unified command commanders ag inspector general.
