KALIBO, Aklan — Igabalik eon it Boracay Inter-Agency Task Force sa lokal nga gobyerno it Malay ro pagdumaea sa isla it Boracay sa masunod nga dag-on.
Suno kay Natividad Bernandino, general manager it Boracay Inter Agency Management and rehabilitation Group nga hasta nga sa idaeum pa it task force ro isla hay kinahangean nga magsunod kara ro LGU-Malay.
Raya hay kasunod it hinyu ni re-elected Malay Mayor Ceciron Cawaling nga makaangkon it open dialogue sa mga miyembro it task force.
Si Cawaling hay ginsuspinde it Department of Interior and Local Government (DILG) bangud sa gina-alegar nga pagpabaya sa environmental problems sa isla.
Nasayuran nga umpisa kat ginpasarado ro Boracay ko nagtaliwan nga dag-on, ro task force eon ro nag-take-over kara.
