KALIBO, Aklan—Nagakabagay eamang ro pagdumdum sa Araw ng Kagitingan ukon Fall of Bataan makaron nga adlaw.
Raya ro ginpahayag ni Atty. Plaridel Morania, sangka batikang abogado sa Aklan.
Suno kana nga bukon it selebrasyon ro Araw ng Kagitingan kundi pagdumdum ag pagpasidungog sa kaisog it mga Filipino nga nakipagsukoe ag nagbuwis it kabuhi para sa nasyon maskin nga bumagsak ro depensa kato it Pilipinas sa Corregidor sa Bataan ko Abril 9, 1942.
Ginsuhestiyon pa ni Atty Morania nga dapat man nga ibalik ro Philippine History nga subject agud nga mabutang sa isip ag tagipusuon it mga pamatan-on ro kabaganihan nga ginhimo it pilang mga Filipino para sa kahilwayan it nasyon .
Samtang, ginsaysay ni Atty Morania nga ro Fall of Bataan hay natabu ko World War II kun sa siin gustong sakupon it nasyong Japan ro mga kaalyado it Amerika, kaibahan ro Pilipinas.
Sa pagsurender it kapin sa 70,000 nga mga soldadong Pinoy ag Amerikano, natabu ro ginatawag nga Bataan Death March, kun sa siin kapin sa 20,000 nga mga soldado ro namatay.
Ginpatikang snada it masobra sa 100 kilometro halin sa Mariveles, Bataan hasta sa San Fernando, Pampanga.
Ginpasakay ag ginpangdasok sa bagon nga paagto sa Camp O’Donnel sa Capas, Tarlac.
Gin-insister kara nga owa naton ginaselebrar ro Fall of Bataan kundi nga raya hay ginadumdum bangud sa kaabuon it mga namatay sa Bataan.
Raya hay sangka trahedya suno kana nga kabay nga indi eon matabu it uman.
