Padayon nga gina-eagas it kontrobersiya ro rematch it daywang kampeon nga sanday Japanese star Naoya Inoue ag Nonito “The Filipino Flash” Donaire.
Raya hay matapos pumasa ro daywa sa opisyal nga pagtimbang.
Si Inoue ay eksakto eamang sa 118-pound division limit, samtang si Donaire hay mas maugan sa 117.8 pounds nga bug-at.
Makaron nga adlaw it martes ro gina-abangan nga rematch it magkaribal kung siin nakataya ro tatlong korona nga WBC/WBA/IBF bantamweight title.
Raya hay unification bout nga igapatigayon sa Saitama Super Arena sa Saitama, Japan.
Apang, owa man nagkasundo rp daywang kampo sa klase it brand it boxing gloves nga pagagamiton.
Kaakig ma ro aging reaksiyon ni Donaire bangud sa owa sigon nakaselyado ro gloves nga pagagamiton it Japanese superstar.
Samtang, sa ulihi hay natigayon man nga magkasundo ro daywang kampo kung siin si Donaire hay magakasa it ring gamit ro kulay nga blue ag orange gloves, samtang ibang brand man si Inoue nga may kulay itom nga gloves ro pagagamiton.
