Bukon it manami ukon “unbecoming” para sa sangka mataas nga opisyal kapareho ni Vice President Sara Duterte nga gumamit it mga maeain nga pamisaea kontra sa dating running mate nga si Pangueong Ferdinand Marcos Jr.
Sa sangka interview, ginpahayag ni Escudero nga para kana ro mga nauna nga pahayag it ikaywang pinakamataas nga opisyal sa nasyon hay unbecoming apang uwa man imaw naila ubrahon nga big deal.
Bukon man sigon it tama nga gumamit it mga maeain nga pamisaea samtang naka livestreamed ro press conference na nga mahimo mapamantaw it mga menor-de-edad
Sa press conference it Bise Presidente ginpahayag kara nga “Drag Me To Hell,” bangud sa pag-atake kana samtang ginasayod it Kamara ro anang ginahambaea nga bukon it tama nga pagastos it mga confidential funds sa anang taeatapan Department of Education.
Ginpahayag man ro matuod nga baeatyagon ni Duterte sa anang baeatyagon kay Pangulong Marcos nga ginatawag nana nga “incompetent leader” nga gusto nana utdan it euo ag gusto nga kutkuton ro bangkay it dating pangueong Marcos Sr ag ipilak ro bangkay sa West Philippine Sea.
Nagasalig man si Escudero nga sa masunod nga press conference it Bise Presidente hay mas magiging maingat ag mapanuri eun imaw, apisar nga kinamatarong it kada isaea nga magpaguwa it akig hay indi dapat raya maging rason o lisensya nga maggamit it nasambit nga pamisaea.
Nagasalig man ro Senate President nga magakaayos sanday Marcos ag Duterte ag bukon it pagkontrahanay nanda sa pagpanguna sa nasyon.
