Mas magagrabe eamang ro tensiyon sa tunga it Pilipinas ag China matapos ro laser-pointing incident sa West Philippine Sea (WPS) kung pagagamiton ro 1951 Mutual Defense Treaty ukon MDT it Pilipinas sa United States (US), suno kay Pangueong Ferdinand Marcos Jr.
Ginpahayag it Pangueo nga makabig nga “counterproductive” nga pagagamiton ro MDT bilang sabat sa paggamit it Chinese Coast Guard (CCG) it military-grade laser kontra sa Philippine Coast Guard ukon PCG.
Nagapati ro Pangueo nga bukon it bastante nga rason ro pagtutok it sangka military-grade laser sa Coast Guard it Pilipinas para gamiton ro Mutual Defense Treaty.
Gindepensahan man it China ro ginhimu it andang coast guard bangud nagsabat eamang sigon ro mga raya sa pagsueod it PCG sa kaeawran it China.
Apisar nga nagpamalibad ro Pangueo nga gamiton ro MDT, ginpaathag kara nga ro gobyerno hay may “constant communication” sa mga treaty partners kara kaeakip eon ro Amerika.
Samtang, ro Department of Foreign Affairs ukon DFA hay nagdihon eon man it ika-waeong diplomatic protests makaron nga dag-on sa Chinese Embassy sa Manila, nga nagapanawagan sa Beijing nga punduhon eon ro agresibong aktibidad kara kontra sa mga saeakyang pandagat it Pilipinas
