Kalibo Aklan —————Ginbag-o it PAGASA ro andang paggamit it Tropical Cyclone Warning (TCWS).
Ginpahayag ni weather forecaster John Michael Diongon it PAGASA-Iloilo, igabase nanda ro pamaagi it pagtau it paandam it bagyo sa Hongkong, China, Japan ag maging sa joint typhoon warning center it Amerika.
Base sa bag-ong sueundanan it PAGASA, igapasaka ro signal number 1 kun ro kabaskog it hangin hay kapin sa 39 hasta 61 kph samtang ro signal number 2 hay kapin sa 62 hasta 88 kph.
Igabutang man sa signal number 3 kun ro kabaskog it hangin hay kapin sa 89 hasta 117 kph ag signal number 4 kun una sa 118 hasta 184 kph.
Igapasaka man ro super typhoon ukon signal number 5 kun ro kabaskog it hangin it bagyo hay una sa 185 kph ukon mas mataas pa.
Samtang, nakaka-experiensiya sigon it masobra sa 20 nga ka bagyo ro Pilipinas kada dag-on ag bangud sa kabaskog it hangin nga daea it pila sa mga raya rason nga nakaangkon it pagbag-o ukon re-classification.
