KALIBO, Aklan—Uman nga ginpadumdum it Police Regional Office (PRO)-6 nga hugut nga ginabawae ro paggamit it vape sa mga pampublikong lugar.
Suno kay P/Lt. Col. Joem Malong, tagapaghambae it PRO-6 nga umpisa ko Nobyembre 21 hasta it 25, kapin sa waeo nga violators ro andang naaresto.
Suno kana nga ginsunod nanda ro mandu ni Pangueong Rodrigo Duterte ag insigida nga nagpatigayon it mga operasyon ag natigayon nga maka-aresto it mga nagagamit it vape ag mga e-cigarettes sa pampublikong lugar.
Tatlo sigon ro nadakpan sa Aklan, sambilog sa Antique ag ap-at sa Iloilo City.
Mag-eowas kara, nagbisita man sigon sanda sa mga shops it vapes agud nga mas pang mapabaskog ro information dissemination.
Ginpasaeamatan man nana ro kahigayunan nga ma-interview it Bombo Radyo Kalibo agud nga eubus nga maintintihan it publiko ro direktiba it presidente.
Gindugang pa ni Malong nga ro mga naaresto nga indibidwal hay ginpaidaeum sa normal nga booking process ag pagkatapos hay ginpahilway ro mga raya ag owa ginkumpiska ro andang mga vapes.
Padayun sigon sanda nga nagahueat it dugang nga guidelines sa implementasyon it ban.
