Kalibo Aklan ——–Ginrekomenda sa Kamara ni National Economic and Development Authority (NEDA) Director General Karl Chua ro mas mabahoe nga infrastructure spending makaron nga tyempo it COVID-19 pandemic.
Sa pagpamati sa proposisyong P4.1T National Budget para sa masunod nga dag-on, ginpahayag ni Chua nga raya hay makakriar it mas maabong trabaho makaron nga may pandemya.
Igataas nanda ro infrastructure spending it 5.4% sa 2021 halin sa presenteng 4.2% makaron nga 2020.
Ginpahayag kara nga halin kat ginhaeogaan ro lockdown restrictions, naibalik eon ro pagkaduea it 7.5 million nga trabaho sa tunga ko buean it Abril ag Hulyo matapos nga ginpaidaeom sa GCQ ag MGCQ ro maabong lugar sa nasyon.
Prayoridad man sigon it gobyerno ro ikaayong eawas ag pagbalik it kumpyansa it mga consumers para buhion it uman ro ekonomiya.
Ginpasiguro kara nga igabalik ro bastante ag eowas nga transportasyon para sa uman nga pagbukas it ekonomiya ag pagbalik trabaho it mga tawo.
Nagnaba sa 40% makaron nga Agosto ro mga empleyadong nagabalik sa trabaho bangud sa kakueangan it public transport.
