Aprub ro bag-o ag sa tiempo nga programa it Korte Suprema.
Raya hay may kaangtanan sa real-time nga paghatud it hustisya para sa mga Pilipino.
Ro real-time nga hustisya hay bukon eamang it patas, transparent, accountable, ag inclusive, raya man hay may ikasarang nga magdungan sa mga pagbag-o sa teknolohiya.
Ginaeakipan it “Virtual Hearings and Electronic Testimony Committee” it Korte Suprema ro mga magiging sueundanan agud nga maging dere-deretso eon ro mga pagpamati it kaso pinaagi sa videoconferencing maskin pa matapos ro pandemya.
Pinaagi sa videoconferencing, indi eon masyadong magagastos, makatipid pa sa oras, eabi eon ro mga una sa maeayo nga probinsya.
Pinaagi kara, mas mapadasig ag mas mapamayad pa ro mga mga legal nga serbisyo para sa tanan.
Ro mga kababayang Muslim ag ro mga ginatawag nga “refugee” ag “stateless person” hay ginapasiguro man it Hudikatura nga makaangkon it “access” bukon eang sa impormasyon kundi maging sa mga ginpamayad pang “legal aid initiatives” kara.
Makabig nga raya hay sambilog sa manami nga pagbag-o sa pihak it pandemya nga daea it COVID-19.
Naka-intigo kita nga batunon ro mabudlay nga sitwasyon ag naka-obra kita it pamaagi kun paalin nga makadungan sa ginapangatubang nga mga hangkat.
