Natapos eon nga himuon ro 110,620 Automated Counting Machines (ACMs) halin South Korea nga pagagamiton para sa 2025 midterm elections.
Suno sa Commission on Elections (Comelec), natapos raya it mas temprano ukon daywang buean antes ro deadline sa Disyembre 2024.
Ro ulihing unit it Automated Counting Machines halin sa MIRU production plant sa South Korea hay ginhimo it daywang buean it mas temprano kaysa sa deadline kamana man ro peripherals kaparehas it external batteries, power cords, SD cards, thermal paper, smartcards para sa electoral board ag iba pa.
Samtang, suno kay Comelec Chairman George Garcia, ginaeauman nga igadeliver ro ulihing batch it Automated Counting Machines halin sa South Korea sa Pilipinas sa Nobiyembre.
Sa makaron, kapin eon sa 78,456 ro nadeliver sa nasyon nga una sa Biñan warehouse samtang ro pila sa ulihing batch nga ginakaeakipan it 32,164 Automated Counting Machines hay posibleng idto sa Bureau of Customs eon para sa clearing, sa transit ukon paadto sa Busan port para sa shipping iya sa Pilipinas.
