Nagpatigayon it committee hearing ro sangguniang panalalawigan it Aklan angot sa hagna nga ginaduso ni Aklan second district congressman Teodorico Haresco nga maging syudad ro banwa it Malay.
Ro nasambit nga pagpamati hay gintambungan ni Aklan vice governor Reynaldo “Boy” Quimpo ag first district board member Apolinar Cleope nga imaw ro chairperson it committee on laws, rules and ordinances.
Ginapahayag nga kwalipikado ro banwa it Malay nga maging syudad sandig man sa requirements nga nakabaehag sa laye.
Nasayuran nga sakop it Malay ro isla it Boracay nga nagata-o it mabahoe nga income sa provincial government.
Madumduman nga maging ro banwa it Kalibo hay ginaduso man nga maging syudad bangud nga raya ro sentro it komersyo it probinsya it Aklan.
