KALIBO, Aklan–Kumpiyansa ro lokal nga gobyerno it Malay nga ro nakataeanang pag-host it isla it Boracay sa 3rd association of southeast Asian nations ukon asean digital ministers meeting hay mas pang magapabaskog sa turismo it isla ag makabulig sa travel recovery nga sambilog sa mga naapektuhan it pandemya.
Nasayuran nga ro ASEAN digital senior officials meeting and related meetings with dialogue partners hay maga umpisa sa pebrero 6 hasta 10.
Suno kay Felix delos Santos it Malay Municipal Tourism Office nga raya hay nagapakita eamang nga makasarang ro isla ng mag-host it mga mabahoe nga international events.
Nakita man sigon nga masaligan ro pagpatuman it peace and order ag seguridad sa lugar nga mabahoe nga bagay agud nga masiguro ro kaeowasan it mga delegado.
Nauna eon nga ginpahayag it aklan police provincial office ukon APPO nga nakatakda nga iga-activate ro multi-agency coordinating center para mamonitor it mayad ro kaeowasan ag seguridad it mga delegado.
Nasayuran nga ro kumperensiya hay pagatambungan it Information and Communications Technology Ministers and Government leaders it mga ASEAN member states nga nagatuyo nga makahimo it mas mabaskog nga collaboration para sa mas mayad ag mas sustainable nga digital future.
