HEALTH News–Ro pirmeng paghueagok hay pwedeng magtuga it maeain nga epekto sa eawas it tawo.
Kaibahan eon kara ro obstructive sleep apnea.
Raya hay nagatuga it iba pang mga problema kapareho it mahabang pagputoe sa pag-ginhawa ukon masobra sa 10 segundo samtang nga nagakatueog bangud sa sabeag ukon abang sa aeagyan it hangin.
Nagakabugtaw pirme halin sa pagtueog nga indi mataeupangdan.
Ro mga tawong may obstructive sleep apnea hay indi makatueog it madaeum.
Raya hay bangud nga napugngan ro pagiging relaxed it andang throat muscles.
Ro mga tawo nga pirmeng nagahueagok hay pirmeng gina duyog sa agahon.
Ro obstructive sleep apnea hay nagaresulta sa mataas nga presyon (blood pressure) ag pwedeng magtuga it pagbahoe it tagipusuon nga nagapataas it posibilidad it stroke ag atake sa puso.
Samtang, dugang pa it mga eksperto nga ro mga tawo nga mabuhay eon nga nagahueagok hay may posibilidad nga makaangkon it iregular nga pitik it puso.
Ro mga tawong nagahueagok hay nasayuran nga pirmeng nakakaangkon it atrial fibrillation kaysa sa mga tawo nga owa nagahueagok.
Ro pirme man nga paghueagok hay nagatuga it pagnaba it lebel it oxygen sa eawas.
Pwede raya nga magtuga it paggutok it mga ugat sa baga ag posibleng maging rason it pulmonary hypertension sa ulihi.
